គ្រឿងផ្សំ :
គល់ស្លឹកគ្រៃ ,ស្លឹកក្រូច,រំដេង,ខ្ជាយ,រមាត,ខ្ទឹមស,ខ្ទឹមក្រហម,ម្ទេសក្រហមក្រៀម,លីងហើយបុកលាយចូលគ្នាអោយម៉ដ្ឋ ។
- សាច់ត្រីសុទ្ធមួយគីឡូកាត់ដុំ
- ទឹកត្រី 5ស្លាបព្រាបាយ
- អំបិលចុងស្លាបព្រាកាហ្វេ
- ស្ករ 1ស្លាបព្រាកាហ្វេ
- ទឹកខ្ទិះដូងមួយកំប៉ុង
- ម្សៅមី 1ស្លាបព្រា
- ទឹកមួយកំប៉ុង
- ពងមាន់ 2គ្រាប់
- ស្លឹកក្រូចហាន់ឆ្មារឆ្មាឲ្យស្រេច
- សរសៃម្ទេសប្លោកទុំហាន់ឆ្មារ
- ត្រួយញឬស្លឹកខាត់ណាខ្ចី
របៀបធ្វើ :
១. ដាក់ក្បាលខ្ទិះកូរអោយឈ្ងុយ ទាល់តែឡើងប្រេងទើបដាក់គ្រឿងបុកម៉ដ្ឋចូលហើយកូរ អោយសព្វទាល់តែឈ្ងុយ ។
២. ចាក់ទឹកត្រីស្ករអំបិលចូលហើយកូរអោយសព្វ
៣. ចាក់ត្រីចូលកូរអោយសព្វ
៤. យកខ្ទិះដូងដែលនៅសល់លាយទឹកពងមាន់និងម្សៅចាក់ចូលហើយកូរអោយសព្វទាល់តែទឹកឡើងខាប់រួចលើកចេញ ។
៥. យកស្លឹកចេកមកចាប់ខ្ទាស់ជាកន្ទោង ។
៦. យកស្លឹកខាត់ណាបត់ដាក់តម្រៀបក្នុងកន្ទោង
៧. ដួសសាច់ត្រីកូរចាក់ចូលក្នុងកន្ទោង
៨. យកកន្ទោងទាំងអស់តម្រៀបក្នុងឆ្នាំងចំហុយរួចហើយរោយសរសៃស្លឹកក្រូចនិងម្ទេសពីលើដាក់ចំហុយ 5 ទៅ 15នាទី
៩. ពេលឆ្អិនលើកចុះបរិភោគ ភ្លាមភ្លាមទាន់នៅក្តៅ
សូមចំណាំ : បើចង់ចំហុយដាក់ក្នុងដូងខ្ចីដុតសូមយកសាច់ត្រីកូរគ្រឿងចំហុយអោយឆ្អិនសិនទើបចាក់ចូលផ្លែដូងទើបចំហុយមួយសាទៀតប្រហែលកន្លះម៉ោងដើម្បីយកមុខលំអអោយស្អាតគ្មានឃើញស្នាមវែកដួស ។
អត្ថបទដោយ : ធីសុភក្តី
