ក្នុងសង្គមមនុស្សបច្ចុប្បន្នសំបូរណាស់រឿងយកដើមគេមកបកស្រាយនិងវែកញែកពេលដែរទំនេរម្តងៗចេះតែចង់និយាយពីរឿងអ្នកដទៃហើយវិភាគម្នាក់នេះចេះនាក់ហ្នឹងចុះលើកមកនិយាយរាល់ពេលជុំគ្នាជាមួយនឹងមិត្តភក្កិបងប្អូនមីងពូយាយតាជាដើម ។ តាមហាងនិងកន្លែងអង្គុយជុំគ្នាផ្សេងៗទៀត គឺតែងតែមានមនុស្សបែបនេះជាច្រើន តើការលើកឡើងមកនិយាយដូច្នោះសមហេតុផលដែរឬទេ ?
ថ្ងៃនេះខ្ញុំនិងលើកនូវចំណុចគោលខ្លះៗដែលបង្ហាញអំពីរឿងរ៉ាវដែលពាក់ព័ន្ធជាមួយនឹងការលើករឿងគេមកនិយាយដោយអត់ប្រយោជន៍ ។ សូមកុំធ្វើខ្លួនជាមនុស្សដែលដឹងពីរឿងគេគ្រប់ជ្រុងជ្រោយពេក ហើយក៏សូមកុំធ្វើខ្លួនជាមនុស្សម្នាក់ដែលឈឺឆ្អាលនឹងរឿងអ្នកដទៃពេកបើមិនចាំបាច់ទេគួរនៅស្ងៀមទៅទើបល្អប្រសើរជាង ។
អ្អ្នកមិនអាចដឹងពីរឿងគេទាំងស្រុងនោះទេ សាច់រឿងទាំងមូលរបស់ក្រុមគ្រួសារគេ ក៍យើងមិនប្រាកដច្បាស់លាស់ក្នុងខ្លួនដូចគេផ្ទាល់ដែរ ។ សូមកុំប្រញាប់ធ្វើការសន្និដ្ឋាននឹងវាយតម្លៃលើបុគ្គលផ្សេងលឿនពេកមិនល្អទេ ។ ប៉ុន្តែបេីអ្នកលេីកមកនិយាយ ក៏សូមទម្លាប់និយាយដោយចិត្តមេត្តា ក្នុងចិត្ត កុំវាយប្រហារមួលបង្កាច់បង្ខូចដោយកំហឹងដែលកើតឡើងតាមចិត្តយើងបញ្ជានោះឡេីយ ព្រោះវាមានបាបផង មានកម្មពៀរវេរាផង ។ សូមមានចិត្តខន្តីក្នុងខ្លួន សូមកុំទម្លាប់ខ្លួនឲ្យក្លាយជាមនុស្សដែលចូលចិត្តលើករឿងអ្នកដទៃមកបកស្រាយអី ។
សរុបមកគួរតែមានពេលវេលាខ្លះសម្រាប់គ្រួសារនិងកូនប្រពន្ធយើងខ្លះទៅដើម្បីជាមាគ៌ាដ៏សុខសាន្តសម្រាប់សុភមង្គលគ្រួសារជាជាងយកពេលវេលាមកនិយាយដើមគេ វាមិនល្អទេ ។ គតិ
អត្ថបទដោយ : ធី សុភក្តី
